تحية اجلال وتقدير لدم الاحرار ... لن ننساكم

تحية اجلال وتقدير لدم الاحرار  ... لن ننساكم

الثلاثاء، 5 فبراير 2008

مطلوب عروسة عاجل




إعلان جواز

أيام زمان كان الواحد إما يحتاج يشتري عربية يعمل إعلان أو يقول لحد من معرفة إما ويأخذ وقت يدور ويلف ويدور عشان يشتري عربية بكام إلف جينة طيب لو الواحد عايز يشتري بيت كان بروح عند سمسار العقارات ويفرا جو على شقق كثير طيب افرض الواحد عايز له عروسة يعمل أية بجد شي صعب ومحير

لالالالالالالالالالا

إنا مش هخش عليكم كده علي طول إنا هقول أية السبب إلى خلاني اكتب هذا البوست الغريب

إنا بقالي ما يعادل شهر عندي ارق ويدوب أنام ثلاث ساعات على الكثير في اليوم يتري ليه

هقولكم عشان انتو إلى هتسعدوني

عشان نويت انزل مصر أتجوز وبجد مش ناوي ارجع إلى إما أتجوز والله نويت أتجوز بس إما فكرت طيب أتجوز مين سؤال صعب جدا لواحد مثلي وطبعا العائلة الكريمة بتعتنا لا يوجد فيها بنات قريبين من عمري

وسبحان الله الجيل إلى بعديا في العائلة كلة بنات المهم طيب تعمل أية يا هندسة طيب قلت اعمل وانزل إعلان في مدونتي هو حرام دانا طالب الحلال والحلال الواحد يطلبه بعين مفتوحة وققرات إني انزل إعلان طلب عروسة علي المدونة واليكم الإعلان الأول في هذه المدونة

مطلوب عروسة عاجل

مطلوب عروسة لمهندس مصري تخصص كهرباء دفعة 2003 يعمل بالخارج ومن مواليد الزقازيق شرقية

مقبول الشكل طيب من عائلة طيبة وزنة 75 إلى 77 كيلو جرام لحم مع عضم طوله 175 تقريبا

عنده شقة في بيت العائلة وجاهز للجواز في شهر بس دة مش شرط من مواليد 12- 1978

مواصفات السيارة سوري قصدي العروسة سن منا سب تكون بنت حلال طيبة ومقبولة الشكل وتكون على الزيرو يعني غير مستخدمة قبل كده والشرط الأساس لا تمانع في الإقامة في الزقازيق وعلى المقيمين خارج مدينة الزقازيق شرقية مراعاة هذا الشرط ومسموح بالوسطاء بيننا في عملية التخليص ولك الدعاء يا فاعل الخير والي موفق راسين فى الحلال
وانا ان شاء الله نازل بعد اسبوع مصر بالتمام والكمال

هناك 6 تعليقات:

أحمد منتصر يقول...

ربنا يوفقك يا عم :)

Empress appy يقول...

هههههههههه بجد ضحكتنى لان لما توصل الواحد انه يعمل اعلان عن الجواز يبقى هو مش شايف اى حد حوليه عموما ربنا يوفقك فى العربيه اللى هتشتريها هههههههههههههه

ابن رشد يقول...

و الله ضحكتني بس انا هحاول اشوفلك عروسه على المقاس

غير معرف يقول...

دى طريقة حلو والله وما فيها مشكلة مش زى مكاتب الجواز الى متشرة فى مصر الان توكل على الله

غير معرف يقول...

بس اكيد انتي بتهزر على العموم لو جد ابعتلى دانا عروسة تجنن

Sosa يقول...
أزال المؤلف هذا التعليق.