هيا يا شباب نحرر مصر

الأحد، 28 يونيو 2009

السنة القادمة سنة كبيسة على مصر

ببساطة كدة وبكل وضوح لماذا هذة الحملة الشرسة على الاخوان

هل هذة الحملة

لإرضاء امريكا

او من أجل الانتخابات القادمة،

او

من أجل التوريث،

او

وأخرى لضرب استقرار جماعة الإخوان

او

لإجهاد الجماعة وتعطيل عملها

بعتقد ان ما يحدث فا هو بداية لعمل انتخابات مبكرة لمجلس الشعب

للتمهيد لعملية التوريث

وطبعا عيزين الشارع هادي ومجلس شعب هادي

ونقابات مهنية هادية

وبكدة يكتمل مسلسل التوريث بهدوء

بعد ما قدرو يعملو ويمهدو للشعب قبول جمال للحكم

وصدق الله العظيم إذ يقول في محكم التنزيل: { وَيَمْكُرُونَ وَيَمْكُرُ اللّهُ وَاللّهُ خَيْرُ الْمَاكِرِينَ } [ الأنفال: 30 ] .

السبت، 20 يونيو 2009

وبداء العد التنازلي

وبعد اربع سنين من الغربة

الغربة في كلمات

من فهما استراح ومن لا يفهما استمر في الضياع

شكرا للشاعر المجهول

يا ولدي يا مستعجل على الغربة الغربة مرة يا ولدي
يا ولدي لا تستعـجل فانت عندي أغلي من كبدي

************************************
الغربة - غادرة - ماكرة - سافرة
تأخذ لا تعطي - تنهينا في لحظة عابرة
تحرم الخل من خليله و الحبيب من حبيبه
لو علمتها جيدا لعلمت انها حقا القابرة
لكل مشاعر الابوة - البنوة - الامومة
حتى لمشاعر الانسان

**************************

ولدي يا فلذة كبدي - يا عمري يا املي
انتطرك سنين و سنين - لاتمضي وتترك لي الأنين
يا من دعوتك في جوف الليالي و حنايا الزمان
يا سهر الليالي و وجداني وحناني

دعك من غربتك لا تفيد
تركتني وحدي و انت بعيد
عد اليّ يا حبي الوحيد
لا اقول انا بل انت اكيد
فأنت أنت الحياة و الغربة لا تعيد
من ذهب اليها بالعودة لا يريد

...........................
وبعد هذة الكلمات اقول بجد من ارد الحياة وان يتمتع بما تبقي من حياتة فيجب ان يرفع شعار

العودة هي الحل

على وزن شعار

الاسلام هو الحل

اما انا فبداء العد التنازلي السريع

لوجودي في الغربة فما تبقي لي الى أيام معدودة وارجع للحياة من جديد

بنحبك يا مصر مهما عملتي فينا

الاثنين، 4 مايو 2009

نتمنى لك شيخوخة سعيدة

سيدي الرئيس

بهديلك القصيدة دى وصلت لية على الاميل
في عيد ميلادك الكام وثمانين)
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام اة نسيت
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين

السبت، 2 مايو 2009

بعض صور المهرجان

الصور دية اتخذت الصبح قبل الساعة العشرة صباحا وهحاول انزل الصور كلها في اقرب وقت بس ادعو لية اتفرغ شوية عشان انزلهم

ودة الاستاذ جمال يحي صعيدي الجنسية بس كان بيساعد المصريين في التنظيم المهرجان

وهو مدرس لغة عربية بس بجد راجل محترم محترم

ودي الفرقة الماسية قصدي النسائية لمسرح النساء وهما لسة نزلين امام باب المسح
حد يحدق يقولي انتى مصورهم من ظهرهم لية هقولة ما في فرق بين ظهرهم ووجهم لنهم طبعا لبسين النقاب

ودي اعلام مصر الى الجنة المنظمة الى علقتها في كل مكان داخل المنتزة

ودة بيقي حمام السباحة داخل فلة الاندلس أثنان الخاصة بالجنة الفنية المنظمة للمهرجان

وانا وعدتهم انى مش هفضحهم وهقول الهنا الى هما كانو فية من اكل وشرب مياة بردة وكولة

وكمان اية موقفين اثنان من لجنة النظام على الباب لمنع دخول اى متطفل

وكفاية كلام علية احسن اققول كمان

ودي يفطة برنامج المسرح النسائي

علم مصر يرفف في كل ارجاء المنتزة

الأربعاء، 29 أبريل 2009

دعوة للمطالبة برفع راتب الريس مبارك

صدر مؤخرا عن الوحدة الاقتصادية بمركز الدراسات السياسية ، والإستراتيجية بمؤسسة 'الأهرام'
تقرير يوضح الراتب الشهري للرئيس حسني مبارك، شاملا الأجر المتغير والعلاوة الخاصة وعلاوة يوليو والحوافز الثابتة والعلاوة الاجتماعية ومنحة عيد العمال ،

واسمع ياحلو وفتح عينك انتى وهي حيث هذا هو راتب ريس اكبر دولة عربية وهو 'خمسة آلاف و خمسة عشر جنيها، لأغير ايو وها كتبة بالأرقام كمان (5015) جينة مصري لا غير
هذا الراتب الذي يتقاضاه الرئيس '5015 جنيها' لا يكفي موظفا متوسط الحال من سداد فواتير الكهرباء والتليفونات والمياه والغذاء والمواصلات والعلاج والدروس الخصوصية ومصاريف العيال وغيرة وليس بنزين للسيارة ولا راتب السواق ،

ومن هنا يجب على كل مواطن التعاطف مع سيادة الريس ويجب على كل المصريين المطالبة برفع راتب الريس لتحسين وضعة المالي المتدهور الذي يجعله متمسك بكرسي الحكم إلى هذه الوقت حيث انة يعلم إذا فقد هذه الوظيفة لان يستطيع الحصول على وظيفة براتب أفضل من هذا نظرا لكبر عمرة وارتفاع ثمن الفيزا لدول الخليج بس على العموم إنا اعتقد إن السيد الرئيس ممكن يعرف وسطه تيجبلة فيزا بسعر معقول على قده
نحن لا نطالب الريس لا سمح الله بإعلان زمتة المالية ألي كلنا عرفنها وحفظنها وشيفينها بعنانا 30 سنة ولا يحتاج إن يعلنها لننأ نعرف إن السيد جمال مبارك ابنة تزوج بعد سن الأربعين لعدم سماح ظروفة المالية على الزواج وأيضا يدوب بوسطه من والدة عينة أمين سياسات في الحزب الوطني هيكون بياخد كأم يعنى هو كمان دة يدوب 500 جينة إذا كان أبوة بياخد 5000 إلف جينة والله حرام
فهذة رسالة لكل المصريين إن الريس ضرب المثل الاعلي لينا في القناعة ومعمليش إضراب زى الناس المعارضة الوحشة إلى بي تطالب بزيادة رواتبهم
على العموم حسبي الله ونعم الوكيل فيهم
مش تفهموني غلط دانا قصدي على البيعملو اعتصامات
بل وأطالب برفع راتب الريس بالملايين شهريا أو سوف نعمل حملة لجمع التبرعات له
وحسنة قليلة تمنع بلااوي كثيرة
!!!!!!!!!!!!!!!!!!!!!!!!!!!!!!!!!!!
وكلمة أخيرة إلى الشعب المصري
شعب مصر يا كسلان .... يا حبيب ماما سوزان..... ليه تظلم بابا مبارك.....

..... بابا مبارك دة غلبان

.....دة صديق الامريكان